Archive of Articles

Nagtingkad sining mga nagligad nga bulan ang lapnagon nga partisipasyon kag pakigbahin sang mga tawong simbahan, lider-relihiyoso kag layko sa mga demonstrasyon batuk sa grabe nga korapsyon sang rehimen Marcos. Bisan nagapabilin nga konserbatibo ang Simbahan, ang tingog kag tindog sini ang indi mabalewala nga naka-engganyo sa linibo ka nagpakigbahin sa kahublagan sang pumuluyo kontra-korapsyon. […]

Sining nagligad nga mga bulan, nabuyagyag ang sistematikong korapsyon kag barahubal nga pagpangawat sa pondo sang banwa sang mga yara sa poder. Halin sa maanomaliya nga proyektong imprastruktura kag pork barrel, “unprogrammed appropriation” kag “allocables” sa pungsodnon nga budget, nangin maathag ang papel sang burukrata kapitalismo sa ginaagum nga indi maagwanta nga pag-antus kag kapigaduhon […]

Naga-ugyon ang mga Pilipino sa pagdumdom sa ika-77 nga Internasyunal nga Adlaw sang Tawhanon nga Kinamatarung sadtong Disyembre 10. Sa lain-lain nga bahin sang pungsod, linibo ang nagmartsa para itib-ong ang tawhanon nga kinamatarung kag batikuson ang rehimen Marcos sa wala-untat nga paglapas sini sa kinamatarung sang pumuluyo. Ginpangunahan sang Karapatan kag Bagong Alyansang Makabayan […]

Patarasak ang pagpang-agaw sang mga dumuluong nga kumpaniya kag dalagko nga burgesya kumprador sa duna nga manggad kag dutang ginpanubli sang mga tumandok kag mangunguma sa pungsod. Gamit ang pulis, militar kag ang mga korte, ginatapakan sang mga ini ang kinamatarung sang mga mangunguma sa duta, ginatapna ang ila pakigbato kag ginagamit ang layi para […]

Nagtipon ang masobra 20 ka myembro sang tsapter sang Makabayang Samahang Pangkalusugan-National Capital Region (MSP-NCR) sa isa ka sekreto nga lugar sadtong Disyembre 6 agud ilunsar ang ila pangrehiyon nga asembliya. Nagtambong diri ang mga mamumugon pang-ikaayong-lawas sa ospital, nars, doktor, medical technologist, dentista, kag mga estudyante sa medisina kag pagka-nars. Ang asembliya gintuon sang […]

Ginhanduraw sang pamilya, abyan, mga kaupod, partido kag organisasyon sa lain-lain nga bahin sang kalibutan ang ikatatlo nga anibersaryo sang pagtaliwan ni Kaupod Jose Maria Sison sadtong Disyembre 16. Sa Pilipinas kag the Netherlands, naglunsar sang mga aktibidad bilang pagdumdom kay Ka Joma. Sa the Netherlands, ginpaguwa ang pelikula-dokumentaryo nga My Friend the Terrorist sadtong […]

Sa Masbate, gindakop, gintortyur antes hungod nga ginpatay sang 2nd IB ang isa ka Pulang hangaway sang Bagong Hukbong Bayan (BHB)-Masbate sadtong Disyembre 13. Ang hangaway napilasan sa tiil kag nadakop pagkatapos sang isa ka inaway sa Barangay Pitogo, Cataingan sa adlaw nga ini. Ginpaidalum siya sa brutal nga pisikal nga tortyur tungod sa pagkapatay […]

Gindumdom sang lain-lain nga tsapter sang Migrante ang pangkalibutanon nga adlaw sang mga migranteng mamumugon sadtong Disyembre 18. Gindeklarar man nila ini bilang “Zero Remittance Day batuk sa korapsyon,” isa ka adlaw nga dululungan nga indi magpadala sang kwarta ang mga migrante sa Pilipinas. Porma ini sang protesta sang mga migranteng mamumugon agud irehistro ang […]

Aregluhanay sang tungaay sang pork barrel sa badyet 2026 ang nalahad sa pumuluyo sa ginpatigayon nga bicameral conference committee (bicam) sang Senado kag Manubo nga Kapulungan. Bisan pa naka-livestream, indi matago sang mga Tighimo sang Layi ang ila pagsantikanay sa kon ano-ano nga porma sang pork barrel kag pila ang mabilin nga badyet. Ginpinal sang […]