Balligi a nairuswat ti panangbuangay iti Christians for National Liberation-Compatriots (CNL-Compatriots) idiay US idi Oktubre 2025. Ti balangay ti kaunaan a sub-sektor ti Compatriots a nangiruswat ti sangalubongan nga asembliya.

Nagurnong iti asembliya ti 120 a lider ti pammati manipud iti nadumaduma a balangay ken selula ti CNL-Compatriots, kasta met dagiti para-paliiw manipud iti Compatriots-National Democratic Front, Kabataang Makabayan-Compatriots, Makibaka-Compatriots ken dadduma pay. Naisayangkat met ti kagiddan a taripnong dagiti balangay ti CNL-Compatriots iti nadumaduma a pagilyan.

Iti taripnong, natalantan ti naangay a konggreso ti Compatriots daytoy a tawen ken ti panagdur-as ti rebolusyonaryo a tignay iti intar dagiti Pilipino a migrante. Nangted met ti pablaak ti lider ti CNL iti Pilipinas. Naadal ken natalantan ditoy dagiti dokumento ti organisasyon, kabilang ti oryentasyon, programa, tallo-tawen a programa ken kampanya. Naangay met ti eleksyon ken nabukel ti komiteng tagapagpaganap ken konseho iti tukad balangay ken sangalubongan.