Patay ang duha ka operatiba sa 8th Infantry Battalion, Philippine Army samtang aduna usay laing mga samaron human kini giatake sa mga Pulang manggugubat sa Bagong Hukbong Bayan – North Central Mindanao Region kaniadtong Pebrero 11, 2022, alas-11 sa buntag sa Sitio Bendum, Barangay Busdi, Malaybalay, Bukidnon.

Atol ang maong sangka sa gipahigayon nga operasyon sa AFP sa mga bukirong bahin sa Barangay Busdi. Gisulod sa mga berdugong sundalo ang daang mga poste sa BHB. Samtang nagpahulay kini sa usa ka daang poste, giatake kini sa usa ka tim sa Pulang manggugubat. Human sa kapin-kon-kulang 10 minutos nga pag-atake, ni-widro gilayon ang BHB samtang mikabat pa og halos usa ka oras ang pinataka nga pagpabuto sa AFP. Nagbuhi dayon ang kaaway og tulo ka bala sa kanyon.

Pagka-alas otso sa gabii, gisugat ang mga samaron sa AFP sa ilang duha ka medikal nga sakyanan.