62nd IB liwat naglusob sa mga komunidad sang mga mangunguma sa Guihulngan kàg Canlaon sang Negros Oriental; Isabela kag Moises Padilla sang Negros Occidental. Padayon nga nagabayolar sa Comprehensive Agreement on Respect for Human Rights and International Humanitarian Law (CARHRIHL)kag muklat nga naglapas sang tawhanon nga kinamatarung.

Abril 11- may nag-abot nga 18 ka tropa sang 62nd IB sa Sityo Hinagduan, Brgy Riverside, Isabela. Nagapangsaka-saka sa mga kabalayan kag nagapamahug. “Kon Indi manugid sang presenya sang NPA sa lugar pasakaan kaso kag prisohon,” pahug sang militar kay Osot Anillo, may asawa kag kabataan sang nasambit na nga sityo.

Abril 12 alas 7:00 sang aga- may nag-abot man nga isa ka platun nga tropa militar sa Brgy. Makilignit proper. Nagatiner sa plaza publika sang nasambit nga baryo. Nagapangsita kag nagapang-interogar sa mga residente kon mag-agi sa lugar.

Abril 12 alas 7:00 sang gab-i- nagdugang pa sang isa ka platun nga tropa sang 62nd IB. Ginahimo nga kampo militar sang nasambit nga tropa ang Punong Elementary School sa Sityo Punong, Trinidad, Guihulngan City samtang kon gab-i ginapangsaka ang mga kabalayan.

Abril 13 alas 6:00 sang aga- may isa ka platun sang militar nga nag-abot sa Sityo Aguntilang-3, Brgy Riverside, Isabela. Nagatiner ang mga ini sa mga kabalayan sa sentro sang nasambit nga sityo. Nagapang-imbestigar sa mga nagalabay nga mga residente.

Abril 4 tubtob Abril 13-Sa Sityo Punong, Trinidad, Guihulngan City padayon man nga nagatiner ang 100 ka tropa sang 62nd IB sa Punong Elementary School.

Abril 13- may isa man ka platun sang 62nd IB sa Sityo Natuling, Brgy. Budlasan, Canlaon City. May duha man ka platun nga makita sa Sityo Subo kag Brgy. proper tanan sang Brgy. Macagahay, Moises Padilla.

Nagadisturbo kag nagahatag perwisyo ang presenya sang militar sa malinong nga pangabuhi sang mga mangunguma sa lugar.