Isa ka platun sang berdugong 62nd IB nga nag-operasyon militar sa Sityo Buragwak, Barangay Manghanoy banwa sang La Castellana, Negros Occidental desperado nga nagkastigo kay Don-don Dandoy, mangunguma nga pamatan-on kag residente man sang nasambit nga sityo sadtong Nobyembre 29 sang aga. Halos indi na magagiho ang biktima sang wala kaluoy nga pagkastigo sang mga tropa sang pasistang 62nd IB.

Ini man nga adlaw may mga kolum man sang 62nd IB nga nahisayran ang mga residente sang Sityo Titip, Barangay Sandayao kag Sityo Punong, Barangay Trinidad tanan sang Guihulngan City.

Samtang nagapangsaka-saka man sa mga kabalayan sang mga mangunguma ang mga katapo sang 62nd IB sa Barangay proper sang Barangay Budlasan, Canlaon City.

Pilit nga ginsaka man sang walo ka mga katapo sang 62nd IB ang puluy-an ni Junior Mohaya, mangunguma kag senior citizen sang Sityo Mandayao-4, Barangay Kamandag, La Castellana. Suno sa nakasaksi, si Gerome Geronimo kag Reymart Dayanan ang naggiya sa operasyon militar.

Ang presensya sang berdugong 62nd IB kag padayon nga paglapas sang tawhanon nga kinamatarung sa Central Negros ang ginakangil-aran na sang mga Pumuluyo.