Patay ang 1 ka katapo sang 62nd IB nga naga-operasyon sa sityo Batang-batangan, Brgy Bucalan, Canlaon City, Negros Oriental alas 5:30 sang hapon sang gin-isnayp sang New People’s Army kahapon Pebrero 26, 2023.

Ang serye sang madinalag-on nga mga opensiba sang NPA sa Vallehermoso kag Canlaon halin Pebrero 21-26, ang kongkreto nga sabat sang LPC-NPA sa mga yamo kag reklamo sang mga pumuluyo sa kaumahan sa Central Negros tuhoy sa kapintas sang nasambit nga berdugong militar sa ila focus military operations.

Mabaskog man nga ginakondenar sang Leonardo Panaligan Command ang pagkastigo kag pagduslak sang M16 rifle sang isa sa 18 ka tropa sang 62nd IB sa kilid nga bahin sang lawas ni Lindon Mata sang sityo Bantolinao, Brgy Santol, Binalbagan sadtong Pebrero 23, 2022 alas 8:00 sang aga. Ang nasambit nga tropa militar ang nagkadto sa ila balay kag gintawag si Lindon agud imbestigaron. Sang naglisensya si Lindon sa militar nga magpaharab sang iya karabaw gulpi lang ginkandos sang militar ang kilid ni Lindon. Asta subong naga-antus pa si Lindon sa kasakit sang iya gusok.

Dugang pa, sadtong Pebrero 14, 2023-pilit nga ginsaka sang 18 man ka tropa sang 62nd IB ang balay ni Jelman Lindayao, may kabataan kag asawa sa sityo Nabirasan, Brgy Amuntay. Samtang naga-istorya ang militar kay Jelman atubang sa iya asawa kag mga anak, gintandi-an sang espading ang li-og ni Jelman. Pilit nga ginkuha sang militar ang cellphone sang nasambit nga pamilya Lindayao. Sa karun, ara pa sa stage sang trauma ang mga kabataan kag nasambit nga mag-asawa nga sanday Jelman kag Recil Lindayao.

Hublasan ang militarisasyon kag pasismo sang berdugong 62nd IB sa kaumahan sa Central Negros!

Suportahan ang armadong paghimakas kag maglunsar sang taktikal nga opensiba batok sa pasista kag mersenaryong militar