Patay ang 1 ka katapo sang 62nd IBPA aang gin-snipe sang yunit sang New People’s Army idalum sa Leonardo Panaligan Command alas 3:47 sang hapon Oktubre 12 sa sityo Mapun-as, Brgy Guba, Vallehermoso, Negros Oriental. Ini nga tropa militar ang kabahin sang pasistang tropa nga naga-operasyon sa border nga binukid sang Canlaon, Guihulngan kag Vallehermoso.

Ang ini nga aksyon militar sang LPC-NPA ang panugod nga opensiba sa isla agud pangitaon ang hustisya sa mga biktima sang terorismo sang estado kaangay sang brutal nga pagpatay kay Ka Juanito Magbanua (Romeo Nanta)-tagpamaba sang AGC-NPA Regional Operational Command-Negros Island.

Ginamanduan ang tanan nga yunit sang NPA nga maglunsar sang lapnagon nga taktikal nga opensiba batok sa berdugo kag pasistang tropa sang 3ID kag 303rd Bde PA. Ipatuman ang nagakaigo nga hustisya dira sa pagpakamaayo sa patag pulitiko-militar paagi sa pagtukod kag pagpalig-on sang baseng masa, agrayong rebolusyon kag pagpa-abante sang armadong paghimakas sa mas mataas pa nga halintang.