Manipud nagtugaw ni presidente Duterte, nagsasaruno a nangiyulog ti memorandom order, executive order ken dadduma pay a linteg na tapnu masentro kanyana ti bileg iti buo a pagilyan. Aggaganat a mangipwesto kadagiti tauhan na iti burukrasya na manipud kadagiti retired generals ti militar a naging berdugo ken kurap tapnu nalaklaka na a pasuroten isuda ti saan makatao a programa.
Saan a makatalna a mangipamuspusan tapnu maipaima kanyana ti kinabaknang ti pagilyan, iti Build Build Build programa na. Intuyang na ti pagilyan kadagiti kapitalista a negosyante ti kadagaan ti Kordilyera para ti makadadael negosyo kas ti Hydro iti amin nga karayan, geothermal ken dadduma pay a makadadael iti umili ken aglalaw a negosyo. Tapnu nawaya ti panagserrek dagitoy a kumpanya iti ili ken kabanbatayan, nangiyulog ni duterte ti nadumaduma a paglintegan ken inot-inot nga insagana na ti burukrasya na ti martial law.
Nadara, naranggas ken sistematiko a programa a mang-ep-ep ti panag laban iti umili kadagiti saan a maka-tao a programa. Panangputed ti tungtungan kapya, panangkaso kadagiti umili a terrorista babaen ti proscription petisyon, panangideklara ti martial law iti Mindanao, oplan tokhang ken operation plan kapayapaan inggana operation plan kapanatagan. Saan mailibak a dagitoy nga executive orders ken presidential declarations na ket dadakkel a pundo ti allotments na, saan met a nailibak a dakkel a kurapsyon iti uneg burukrasya na.

Ditoy probinsya nga Abra, nalawag iti implementasyon ti operational plan kapanatagan babaen ti joint campaign plan ti AFP- PNP ken dagiti local nga opisyales kas kenni gov Joy Bernos. Kasta met, dagitoy ti makintenggel ti dakkel a pundo nu sadinno ket kadagiti amin nga implementasyon dagiti proyekto ket 60-40% , 60 a pursyento ket maibulsa 40 porsyento laeng ti maipatungpal.
Ti provincial peace and order council-PPOC, nu sadinno ket dagiti heads ti AFP- PNP ken ni Joy ti kangrunaan ng konvenor daytoy, ditoy a detalye nga iprograma da nu kasanu nga allilawen iti umili tapnu ideclara nga persona nan grata dagiti legal nga organisasyon ken ti NPA tapnu ibulsa ti dadakkel a pundo. Malakasid pay ti panang awis da kadagiti municipal mayors ken dagiti municipal councils nga agaramid ti patakaran a kontra umili weno panang kontrol ti garaw ti umili iti uneg ti barangay.
Pwersaran nga ipatungpal da dagiti paglintegan kadagiti local a gobyerno inggana barangays babaen ti panang aramid ti planado a panag tiliw, panag kaso, pilit a panagpasurender kadagiti sibilyan, pammutbuteng kadagiti umili ken opisyales ken panag patay tapnu maligalisa ti operasyon inggana panagyan ti military iti uneg ti baryo. Nu kumontra dagiti local nga opisyales ket maipit da ti prob gov ken ti AFP-PNP.
Pakabuyaan laeng ti panangpapatay ti military kadagiti dua a CAFGU iti uneg ti detachment da iti Maguyepyep Sallapadan Abra, pilit a panangisurender da ti sibilyan kas kenni Jovet nga agtutubo ti Lacub ken barangay officials ti Tubo ti napalabas, harassments ken surveillance kadagiti masuspetsa da nga lider wenno suporter ti NPA, uray pay legal nga organisasyon iti umili ket pilit da nga ikonektar ti CPP-NPA-NDF, ken panag usar ti People’s day ni Joy Bernos kada munisipyo tapnu butbutngen iti umili babaen ti lantaran nga panagbroad cast nga saan mairelis ti IRA da nu palubusan dagiti barangay opisyales nga asembliya dagiti umili tapnu pagtungtungan da nu kasanu da padur-asen ti alluyon wenno panagtitinnulong iti uneg ti baryo.
Dagitoy nga aramid ti AFP- PNP ken ni Joy Bernos ket pakabuyaan ti martial law iti probinsya. Isuda ti pudno nga manglaplapped ti panangpadur-as ti kabiagan ti umili, isuda ti nalawag nga mangdangdangarn iti umili. Isuda ti pudno nga terrorista , isuda ti awan karbengan na nga agturay, Isuda ti pudpudno nga persona nan grata iti probinsya.
Para kadagiti munisipal mayors, awan sabali nga mangitakder iti umili kadagiti masakupan yo nu saan a dakayo. Peggad iti umili yo ti panangipatungpal yo ti mandato ti operation plan kapanatagan iti uneg ti join campaign ti AFP- PNP ken ni joy. Ti rumbeng nga kondenaren yo ket ti aramid dagiti AFP-PNP. Apay nalipatan yo ti panang masaccre ti AFP kadagiti pamilya Ligiw iti Licuan-Baay, lima tawen ti napalas nga inggana tatta ket awan hustisya. Addan kayo ti bileg kas opisyales a mang-adal ken mangrebisa kadagiti paglintegan a saan a pumabor kadagiti umili. Rebbengen yo nga suportaran ken takderan dagiti pagsayaatan ti umili. Paset ti serbisyo yo kas local nga opisyal nga inbutos dagiti umili to masakupanyo yo ti pangisigurado ti seguridad ken kabiagan da.
Kakailyan nga Abreneo, awan ti sabali a pamuspusan tapnu magibusan/ masupyat dagitoy a programa nu di panagkaykaysa tapnu papigsaen ti palaban a DIWA a mangsaluad ti daga, rekursos ken biag, palawaen ti rebolusyonaryo a bileg pulitika iti umili. Sumilpo iti CPDF Abra chapter, daytoy ti mangrepreppet ti rebolusyonaryo a timpuyog iti umili ti probinsya.
Paayen ti Oplan kapanatagan ti rehimen US-Duterte!
Gibusan ti Martial Law iti probinsya!
Iyabante ti gubat ti umili! Itakder ti Reblusyonaryo a Gubyerno ti Umili!
Umili sumilpo iti NPA!