Gin-ambusan sang mga operatiba sang Roselyn Jean Pelle Command – Prenteng Gerilya sa norte nga bahin sang Negros sang New People’s Army (RJPC-NPA) si Alexander alyas ‘Dondie’ Alquizar, 54 anyos, isa ka barangay tanod, sa Proper Laga-an sakop sa banwa sang Calatrava, Negros Occidental sadtong Abril 20, 2024, alas 5:45 sang aga.

Narekober sang mga Pulang hangaway ang isa ka kalibre .45, duha ka magasin kag mga bala sini halin kay Alquizar matapos ang operasyon.

Masupog nga intel si Alquizar. Chairman siya sang ACT-CIS sa 1st District sang Negros Occidental, isa ka kontra-rebolusyonaryo nga organisasyon. Nagserbe siya nga giya sa operasyon sang #DiMasaligan79IB, diin nakita nga nagdala siya sang matag-as nga kalibre sang armas sa pagransak sa panimalay ni Junjun Maribao sa Purok 4 sadtong Abril 20, 2023, bangud ginpatihan nga nagpasaka sang mga Pulang hangaway.

Malawig na ang kaakig sang mga residente kay Alquizar bangud sa problema nga gindala sini sa ila nga lugar. Tuig 2005, gintudlo si Alquizar sa pagpatay kay Efren Yonson, isa ka opereytor sang hand tractor, bangud naakig si Alquizar, nga helper ni Yonson sadto nga panahon, sang ginhambalan siya nga basbasan anay ang kahon sang talamnan nga ila ginaobra.

Ginreklamo man sang pamilya ang iya pag-angkun sa duta nga gintalauma sang iya step father, diin ang mga anak sa napatay na nga amahan ang wala gid nakaangkon sang duta. Bangud may armas-luthang, gingamit niya ini sa pagpamahug sa pumuluyo kag pagpinalupok. Isa ka insidente panahon sang COVID-19 nga pandemya, ginhambalan si Alquizar ni Maray Dayanan, isa ka maestra sang daycare, nga indi pagasitaon ang mag-agi nga mga estudyante magab-i, ginsabat si Dayanan sang lupok sang armas ni Alquizar. Ginreklamo man siya sa pagpangawat sang kanding sadtong 2005.

Armado man si Alquizar sang armalite sang nangin giya sang mga pulis nga nag-reyd sa panimalay ni Gaga Bargamiento sa Pulang Yuta, sakop sa amo nga barangay, nga ginpatihan sang mga pulis nga nagpasaka sa NPA. May report man nga gindakop ni Alquizar ang isa ka pamatan-on kag giplanteran sang guba-on nga pusil kag gipasibangdan ang pamatan-on nga isa ka Pulang hangaway. Pirme nga nagagiya si Alquizar sa operasyon kombat sang #DiMasaligan79IB sa sakop sang Barangay Laga-an.

Bangod sa iya krimen sa pumuluyo kag aktibidad kontra-rebolusyon, ginduso sang pumuluyo nga masilotan sang NPA si Alquizar.

Sa tunga sang kalamidad sang El Niño, militarisasyon, kag kaninit sang obra kag palangabuhian, ang mga pareha ni Alquizar ang nagadugang sa problema nga ginapas-an sang pumuluyo. Indi magpangduha-duha ang mga Pulanag hangaway sa ngalan sa matuod nga pagserbisyo sang pumuluyo sa pagsilot sa mga indi magbag-o nga mga abusador kag masupog nga intel kag iban pa nga mga kriminal. ###