Ang pumuluyo sa norte nga bahin sang Negros kag ang bilog nga rebolusyonaryo nga kahublagan ang nagapanginbulahan sa Roselyn Jean Pelle Command – Northern Negros Guerilla Front sang Bag-ong Hangaway sang Banwa (RJPC-BHB) sa madasig nga pagpatuman sa mga standing order sa Calatrava sadtong Agosto nga gin-isyu sang rebolusyonaryo nga korte sang pumuluyo kag sa gubyerno sang pumuluyo nga naghatag hustisya sa mga biktima sa mga kriminal kag kontra-rebolusyonaryo.

Ang mga masa sa kabukiran ang malipayon nga naga-abi-abi sa mga BHB sa ila mga panimalay bangud nakita nila ang ila hukbo sang pumuluyo nga andam sa pagpamati sa ila kahimtangan kag handum kag naga-akto sa ila mga problema. Ginasumbong nila ang ila reklamo sa mga Pulang hangaway, ilabi na ang serbisyo sang reaksyunaryo nga gubyerno, kaangot sa sistema sang hustisya, nga naga-sentro lang sa mga poblacion; kung magmaisugon man ang mga masa nga magreport, daw napamati-an lang ini sang mga bungol.

Sa proseso sang rebolusyonaryo nga hustisya, ang pinakalapit nga yunit sang BHB ukon Partido ang maga-imbestiga antes ipresentar sa atubang sa mga huwes sa rebolusyonaryo nga korte sang pumuluyo. Ang bista ang makadesisyon sa dugang nga imbestigasyon kun ang datos nga ginpresentar ang indi magakaigo nga magtumod sa suspetsado kag pwede man gilayon makahimo sang pagpamatbat.

Sa atubang sa pagpatuman sa rebolusyonaryo nga sistema sang hustisya sa gubyerno sang pumuluyo sa norte nga nga bahin sang Negros, ang RJPC-BHB ang hugot nga naga-uyat sa husto nga proseso sang rebolusyonaryong hustisya. Dungag pa, ang nagapatuman nga operatiba sang RJPC-BHB ang nagatalakay sa mga kaso antes ipatuman ang mga silot.

Ang rebolusyonaryo nga hustisya ang indi pwede mapakanubo nga isa lang ka pagtimalos – isa ini ka makatarungan nga tikang sang mga ginapigos batok sa mga madugay na nga nagapamigos sa ila.

Nagkadamo na ang mga kaso nga ginpamatian sang rebolusyonaryo nga korte sang pumuluyo bangud nakita sang masa nga ang sistema sang reaksyunaryo nga korte galastuso, madugay kag gindominahan sang mga burgis komprador-agalon mayduta nga nagakuha sang pagdepensa sang reaksyunaryong institusyon, pareho sang AFP.

Ang 79th IB Commanding Officer nga si Lt. Col. J-jay Javinez, bag-o lang nagapakita sa iya pagka-desperado nga maobrahan gilayon sang tikang ang nagligad nga pulis aksyon sang BHB, kag naduso siya sa paggamit sang whole-of-nation approach kag gindala ang inaway banwa pakadto sa legal nga inaway.

Ang indi pagpagwa sang mga ngalan ang pwede magamit sang AFP sa paghimo sang pagpanglapas sa tawhanon nga kinamatarung para pahipuson ang mga nagapamatok nga mga masa ukon iduso ang kanhi katapo sang BHB nga magkooperar kag mangin kagamitan sang mersenaryo nga AFP para mas mapagrabe ang lala na nga kahimtangan sang tawhanon nga kinamatarung sa norte nga bahin sang Negros.

Desperado na gid si Javinez nga siya na mismo ang nagapanglibot sa Calatrava para maghiwat sang pulong-pulong nga nagapamalain sa daw myembro sang BHB kag nagapasanyog sang bounty hunting ukon paglagas sa mga may padya. Ang ini gin-obra matapos ang pag-ako nila nga ang Northern Negros Guerilla Front ang madugay na nga nawasak.

Ang mga mataas nga opisyales sang AFP ang segurado nga nagapresyur kay Javinez, sa pihak nga gindeklara nga nadismantol na, ang BHB malampuson nga nagapatuman sang mga standing orders, bisan sa Barangay Lalong nga may ara mabakud nga network sang paniktik nga gintukod sang 79th IB.

Ang RJPC-BHB ang liwat nagaduso sa panawagan sang Apolinario Gatmaitan Command – BHB Negros Command Spokesperson Ka Juanito Magbanua nga indi pagahalitan ang mga pumuluyo, hilabi panahon sa gastoso, wala untat kag dalagkuan nga operasyon sang 79th IB.