Ara naman ang mga berdugong 62nd IB kag 33rd DRC! Maghalong sa mga desperado kag pasistang militar!

Disyembre 6, 2022 – may 2 ka kolum sang 62nd IB sa Sityo Hinobaan, Barangay Luz, Guihulngan City, Negros Oriental. Samtang may 3 man ka kolum sang militar sa Sityo Nahilig, Barangay Hinakpan, Guihulngan City. Nagapangsaka-saka kag nagatiner ang mga ini sa mga kabalayan sang pumuluyo. Nagtuga sang kahadlok sa mga residente. May 3 man ka kolum sang nasambit nga pasistang tropa sa Barangay Macagahay partikular na Sityo Tubod kag Acasia. May kolum man sang militar sa Sityo Banderahan kag Kambairan, Brgy Trinidad, Guihulngan. May ara man sa sityo Malatanglad, Barangay Budlasan, Canlaon City, Negros Oriental.

Ini man nga adlaw may masobra 20 man ka tropa militar sa Crossing Lansang, Barangay Aya, La Libertad, Negros Oriental. Pilit nga ginapatawag ang mga pumuluyo sa pagtambong sa ila ginapatigayon nga pulong-pulong.

Disyembre 7 – pilit naman nga ginapatawag sang militar ang pumuluyo sang Barangay Aya, Cansumandig kag Talaon sa himuon sini nga pulong-pulong. Suno pa sa pumuluyo ginapatawag pa gid sila para magtambong sa amo gihapon nga aktibidad sa Sityo Tiwi, Barangay Aya.

Grabe ang reklamo sang mga mangunguma bangud nagaperwisyo lang ang militar sa ila. Kag haluson na sila makapanguma bangud sang subsob kag pilitaryo nga pagpatawag. Naga-usik lang sang oras sa ila pangitan-an kag pagpangabuhi.###

Ara naman ang mga berdugong 62nd IB kag 33rd DRC! Maghalong sa mga desperado kag pasistang militar!