Madinalag-on nga natigayon sa isa ka yunit sang NPA idalom sang Mt. Cansermon Command (MCC-NPA) ang pagpahamtang sang silot kamatayon kay Regie “Gang-gang” Dela Cruz sa Sitio Maiti, Brgy. Buenavista, Himamaylan City sadtong Enero 25, 2023, alas 7:30 sang aga.

Matapos ang ma-id-id kag madalom nga pagtalakay sang Rebolusyonaryong Korte sang Pumuluyo, ginpamatbatan sang silot kamatayon si Gang-gang bangud sa iya mga nakomiter nga sala. Isa siya sa mga imboldado sa pagkadakop kag pagpatay sa duha ka kaupod nga sanday Ka Carding kag Ka Clea sadtong bulan sang Abril 2022. Masupog siya nga asset sang PNP kag AFP nga amo ang nagatudlo kag naga-guide sang pagpangransak sang mga kabalayan sa sakop sang Brgy. Buenavista. Siya man ang suspek sang pagpaniro sa isa ka mangunguma sadtong tuig 2022 sa amo man gihapon nga baryo.

Nakumpiska sa iya posisyon ang duha ka bilog nga granada kag iban pa. Ginadayaw sang pumuluyo kag Rebolusyonaryong pwersa ang ini nga aksyon kabahin sa pag-angkon sang hustisya sa mga pamilya nga biktima sang pasismo sa estado gamit ang ila armado nga makinaryas kag mga kaangot sini.

Ginalauman sa bilog pumuluyo labina sa sakop sang Himamaylan nga tinguhaan sang MCC-NPA nga kab-oton ang hustisya batuk sa may mga utang nga dugo sang pumuluyo. Paandam man ini sa mga nagapagamit sang AFP-PNP nga nagapatuman sang mahigko kag brutal nga gyera nga nanguna nga nagakabiktima amo ang pumuluyong mangunguma sa kabukiran.

Mabuhay ang NPA!