Karon nga adlaw Disyembre 4 makit-an sang mga residente ang mga kolum sang pasistang 62nd IB sa mga sityo sang Kabal-asan, Mambangon, Cambugnay kag Tikoy-tikoy sang Brgy Cabacungan, sityo Lublob, Sumpit kag Kambagting sang Brgy Manghanoy subong man sa mga sityo sang Dulaca kag Mercedes, Barangay Sag-ang tanan sang La Castellana, Negros Occidental.

Suno sa mga residente, perwisyo ang presensya sang mersenaryo kag desperadong 62nd IB sa malinong nga pagpangabuhi sa lugar. Wala sang kaseguruhan ang ila kabuhi lakip na ang ila mga kabataan bangud sang natabo nga pagkastigo sang 62nd IB kay Don-don Dandoy sa Sityo Buragwak, Barangay Manghanoy sang nagligad nga mga inadlaw.