Madinalag-on nga gintapatigayon sang isa ka yunit sang Armando Sumayang Jr Command- New People’s Army (ASJC-NPA) ang pagsilot-patay ni Amay Jimenez, 52 anyos, taga Sityo Makilo, Barangay Camansi, syudad sang Kabankalan, sadtong Disyembre 13. Si Amay isa ka masupog nga intel aset sang militar humalin pa sadto kag siya ang isa sa naghim-os sang desinyo kag plano hasta sa aktwal sa pagpa reyd kag pagpatay nanday Joseph Jimenez (utod man mismo ni Amay) kag Ericson Acosta upod sa mga militar kag Special Action Forces (SAF) sadtong Nobyembre 30, 2022. Sa amo sini, si Amay isa ka lehitimo nga target militar sang mga NPA kapin pa nga may mabug- at nga utang nga dugo sa pumuluyo.

Samtang padayon nga nagasabat ang rebolusyonaryong kahublagan paagi sa iya mga Pulang hangaway hangaway sa mga singgitan sang pumuluyo para sa hustisya sa kamatayon sang ila mga himata nga biktima sang mga kalapasan sang tawhanon nga kinamatarung kag kalapasan sang mga berdugo kag pasista nga militar, kapulisan, mga surrenderree nga nangin masupog nga idu-ido nila, nagadamo man sang mga intel aset sang militar kag kapulisan ang mga nagapahayag nga magsurender sa talatapan sang rebolusyonaryong gobyerno sa sakop sang Sur nga bahin sang isla.

Nagabukas man ang rebolusyonayomg kahublagan sa ila base sa ila katampad, kabug-aton sang ila utang nga dugo sa pumuluyo kag kooperasyon agud makab ot ang hustisya, katawhayan kag kalinong sa ila mga lugar.