Gintiro sa mga tropa sang 15th IB si Gary Jorpo, isa ka drayber kag manug-chainsaw nga naglabay sa Proper Barangay Tapi, Kabankalan City, Negros Occidental, sadtong Marso 6. Naigo ang duha ka paa sang biktima matapos gintiro.

Suno sa mga saksi, ginpara sang mga pasistang tropa ang biktima kag wala dayon ini nakapundo bangud sang kahadlok. Nasal-an ini nga katapo sang NPA bangud nagdala ini sang chainsaw nga ginsulod sa sako.

Lubos nga ginakundenar sang ASJC-NPA ang insidente nga nagtuga sang kahalian sa isa ka sibilyan. Tubtob subong, nagapadayon ang mga operasyon militar sa mga barangay sang Tampalon, Tapi, kag Salong sa Kabankalan City. Nagtuga ini sang kahadlok sa mga pumuluyo bangud sang mga pagpanghalit kag paglapas sa tawhanon nga kinamatarong nga ginkomiter sang 15th IB.