Ginpatuman sang Leonardo Panaligan Command-New People’s Army (LPC-NPA) ang silot nga kamatayon kay Rene Francisco alyas Gaga, 44 anyos, may asawa kag kabataan, sang Sityo Old Manghanoy, Barangay Manghanoy, La Castellana, Negros Occidental, alas 6:17 sang gab-i, Enero 5.

Si Francisco ang makapila na ka beses nga ginpaandaman sang NPA angot sa pagpauntat sa iya pagbaligya sang shabu sa baryo. Nagaguba ini sa paminsaron kag puturo sang mga pamatan-on kag iban pa nga mga pumuluyo lakip ang mga mangunguma kag mamumugon sa uma/kampo.

Naglapnag man ang kinawatay sa lugar bangud na sa pagkalulong sang mga biktima sa iligal nga druga. Bangud sang makahalalit nga druga, mga malaswa nga gawi ang ginhimo man ni Francisco kaangay sang pagpang-agaw sang asawa sang iban kag pagkunsumo sekswal sang iya kaugalingon nga kadugo kag anak.

Dugang pa, nangin masupog nga asset sang kapulisan sang La Castellana-PNP si Francisco. Rason nga ginpamatbatan si Francisco sang silot nga kamatayon matapos ang patas nga pagbista sa korte sang pumuluyo sang Disyembre 2025.

Nakumpiska kay Francisco ang isa ka cellphone nga may valuable intelligence value bilang masupog nga asset sang PNP-La Castellana kag nagapamatuod sang iya makahalalit nga gawi.

Ginapanawagan sa tanan nga pumuluyo sang La Castellana nga indi pagsundon ang gawi ni Francisco bisan pa nga ginahatagan kamo sang proteksyon sang otoridad kag kapulisan sang banwa kaangay sa pagtolerar kag pagprotehir sa iya.

Ang madinalag-on nga pagsilot kay Francsico ang magserbe nga paandam sa tanan nga may kaangay kahimuan sini. Ang NPA indi gid magduha-duha sa pagsilot sa inyo paagi sa malaba nga kamot sang rebolusyonaryong korte sang pumuluyo para ihatag ang nagakaigo nga hustisya sa mga biktima.