Duha ka backhoe ang gi-paralisa sa NPA-North Central Mindanao niadtong October 16, 2023, 10:40 am didto sa sityo Mahagwa, Barangay Hagpa, Impasug-ong Bukidnon.

Ang maong equipment, gipanag-iyahan sa Ulticon Builders Incorporated (UBI) kansang naila nga usa sa pinaka dakong kompanya nga gipaburan sa reaksyunaryong gobyerno sukad pa sa rehimeng Duterte. Gi-garantiya na usab niini ang mga minerales ug lapad nga kayutaan nga anaa sa kabukiran sa Pantaron Range aron pambayad utang sa mga langyaw.

Ang “Build Better More” ni President Marcos Jr pagpadayon lamang sa korapsyon nga programang “Build Build Build” ni Duterte. Ultimong tumong nga bulduson ang lapad nga kabukiran alang pagsulod sa logging, mina ug expansion sa plantasyon. Ang ilang dautan nga plano sa kinaiyahan gitabilan sa pakanang “farm to market road” aron kuhaon ang simpatiya sa katawhan ug tabunan ang rason sa pagmugna og kalsada alang sa mina nga mosumpay sa Agusan, Bukidnon, Misamis Oriental Davao ug uban pang probinsya.

Tataw nga walay pakabana ang estadong Marcos-Duterte sa pag-amoma sa kinaiyahan taliwala sa nasinateng pag-init sa kalibutan sa kasamtangan.

Labaw sa tanan ang punitibong aksyon, tubag sa mapadayunong gisinggit nga hustisya sa katawhan tungod sa pagpasagad sa kompanya sa ilang mga lihetimong pangayo alang sa pagbayad sa damyos sa mga naguba nga propridad sa mga tawong naguba ang umahan ug kabalayan, pagpataas sa suhulan ug uban pang mga benipesyo nga gihikaw kanila.

Kahinumduman nga ang UBI dugay ng nahimong target sa NPA- NCMR sa mga punitibong aksyon sukad pa niadtong 2021. Apan ang nagpadayong aksyon sa kasamtangan, timaan lamang nga wala gihapon nahimatngon ang maong kompanya sa ilang mga obligasyon sa katawhan labina sa ilang mga trabahante, salaod sa pagguba sa kinaiyahan ug panginabuhian ug lakip na ang pagrespito sa rebolusyonaryong kalihukan.

Taliwala sa gipanghinambog nga security forces nga nakapalibot sa maong mga ekwepo nga 8th IB, 88th IB ug 16th IB Philippines Army dakong tamparos sa mga binayrang sundalo ang malampusong aksyon sa NPA.

Angay mahigmata ang katawhan sa kamatuoran ug lantawon ang sitwasyon sa atong kinaiyahan ug dipensahan kini batok sa kadaot nga dala sa mga maki-kaugalingon nga interes sa mga langyaw ug mga lokal nga gobyernong naka benipesyo sa kinaiyanhong bahandi sa nasud.

Busa isip hait nga hinagiban, dili mohunong ang NPA sa pagduso sa lehitimong katungod sa katawhan ug pagdipensa sa atong kinaiyahan batok sa mga langyaw aron ipreserba kini alang sa sumusunod pa nga henerasyon.

Mabuhi ang armadong pakigbisog!

Depinsahan ang atong kinaiyahan!