Malampuson nga nasilotan sa Leonardo Panaligan Command-New People’s Army (LPC-NPA) si Ryan Librea, usa ka aktibong intel sa 62nd IB, sa Sityo Nabuluan, Barangay Binalbagan, Canlaon City, Negros Oriental, kagahapon, Oktobre 1, sa mga alas singko pasado sa hapon.

Nakumpiska sa posisyon ni Librea ang usa ka revolver pistol, duha ka smart phone nga may mga importante nga datus ug usa ka kutsilyo.

Si Librea, usa ka aktibong tanod ug kasangkapan sa NTF-Elcac para mag-monitor sa mga kasikas sa ilang lugar.

Niadtong bulan sa Septyembre, giistorya siya sa NPA ug gipasabot sa katuyoan sa rebolusyonaryong kalihukan sa dihang nakasulod siya sa gitineran sa mga Pulang manggugubat. Apan, imbes nga magmatinud-anon si Librea pagkahuman nga naistorya siya, iya hinuon nga gipa-raid sa mga tropa sa 62nd IB ang gipondohan sa NPA.

Niining panahona,nag-operasyon ang nasambit nga militar sa lugar ni Librea.

Wala nagmalampuson ang maitom nga plano ni Librea ug sa 62nd IB tungod kay paspas nga nakamaniobra ug nakapalayo ang mga kauban ug nakaadto sa safety nga lugar.

Ang pagsilot kang Librea usa ka pahimangno sa uban pa nga nadala sa pagpanghaylo nga hatagan sila og maayong panginabuhian sa pasistang 62nd IB kung muhatag og mga impormasyon kalabot sa lihok sa rebolusyonaryong kalihukan sa tulutagsa nila ka lugar. Hunonga na ninyo ang inyong gihimo para dili kamu maparehas kang Librea ug sa uban pang nasilotan, kay ang rebolusyonaryong kalihukan ug korte sa katawhan mohimo gayud og nagakaigo nga tikang.

Determinado ug madasigon ang Pulang hukbo nga maningil sa mga may utang nga dugo ug sa tanan nga naghimo og kadaut batok sa katawhan ug sa rebolusyonaryong kalihukan.