Ginpatuman sang isa ka yunit sang Armando Sumayang Jr Command-New People’s Army (ASJC-NPA) ang pagsilot kay Virginia Salmorenante, 56 anyos, sa Sityo Fabrica, Barangay Camansi, Kabankalan City, Negros Occidental, kqgahapon, Disyembre 20.

Si Salmorenante usa ka lokal aset upod kay Gamay Jimenez, nga nagtudlo kag nag-upod sang mga katapo sang (AFP) sa pagpatay kay National Democratic Front (NDF) consultant Ericson Acosta kag lider mangunguma nga si Joseph Jimenez sadtong Nobyembre 30, 2022 sa Sityo Makilo, Barangay Camansi, Kabankalan City.

Ang pagsilot kay Salmorenante nagapatimaan nga wala sang krimen batok sa pumuluyo kag sa rebolusyonaryo nga kahublagan nga indi mapasabat sa rebolusyonaryong hustisya.

Ang ASJC-NPA liwat nga nagpaandam sa tanan nga mga aset sang militar nga magsungka sa pinakalapit nga yunit sang NPA kaangay sang ginahimo sang mga intel aset sa banwa sang Cauayan, Negros Occidental sa sini lang.