Katapo sang PNP Guihulngan Samaron sa NPA Sniping Operation

Madinalag-on nga ginsnipe sang Leonardo Panaligan Command-New People’s Army ang PNP substation sa Sityo Parkingan, Barangay Trinidad, Guihulngan City, alas 5:00 sang hapon Nobyembre 25, 2022. Pilason ang isa (1) ka katapo sang PNP-Guihulngan samtang hilway naman nga naka-atras ang NPA.

Ang NPA ang padayon nga nagasabat sa mga demanda, yamo kag reklamo sang pumuluyo nga palayason ang pasistang PNP sa lugar bangud nagperwisyo lang ini sa ila pagpangabuhi. Wala man sang seguridad ang kabuhi sang mga sibilyan kag inosenteng mga mangunguma sa Brgy Trinidad, Guihulngan City sa pagtiner sang mga ini sa lugar.

Mas nagdamo ang kaso sang pagpangawat, kriminalidad ilabi na ang padayon nga kaso sang pagpanglapas sang tawhanon nga kinamatarung sa pumuluyo, kaangay sa brutal nga pagpatay kay Greg Cantela kag Pompeo Landisa, iligal nga pag-aresto kay Ronald Baydal kag iban pa. Ini nga panghitabo ang indi malipatan kag nangin bangungot sa pasistang militar kag kapulisan sang Guihulngan.

Indi pagpatulugon ang pasistang kaaway! Silotan kag palayason ang berdugong militar sa kaumahan!#

Katapo sang PNP Guihulngan Samaron sa NPA Sniping Operation