Sa pihak sang lapnagon kag masingki nga operasyon militar sa Central Negros, madinalag-on nga ginpatuman sang Leonardo Panaligan Command-New People’s Army (LPC-NPA) ang silot kamatayon Kay Gamay Taganeli sang Crossing Bon-bon, Barangay Hinakpan Guihulngan City, Negros Oriental sadtong Marso 20, 2024 alas 7:00 sang gab-i.

Si Taganeli ang brutal nga nagpatay kay Egling Carreon sang Sityo Bonbon, Guihulngan sadtong tuig 2023. Ginhatok-hatok paagi sa paglabo kag gin-salvage ang lawas ni Egling Carreon kag ginhaboy ini sa pil-as.

Samtang, si Jovanie Dela Cruz ang bantog kag masupog nga kawatan sang de kantidad nga mga kasapatan sang pumuluyo sa lugar. Masupog man nga asset-militar si Dela Cruz nga nagareport sa Barangay Hinakpan-Guihulngan Patrol Base kag 62nd Batallion Headquarter sa Brgy Libas, Isabela, Negros Occidental. Tuyo nga arestuhon sang NPA si Dela Cruz upod sa iya anak nga si JR Dela Cruz apang nagbato ini sa mga NPA arresting officers rason man nga nakapalagyo si JR. Napilitan ang NPA sa pagdepensa sa kaugalingon. Ginpalukpan sang NPA operatives si Jovanie nga nagtuga sa iya kamatayon.

Lubos nga ginapasalamatan sang LPC-NPA ang wala paghubas nga suporta sang masa sa armadong paghimakas. Samtang ginkalipay man sang mga pumuluyo ang madinalag-on nga opensiba sang NPA sa pagsabat sang madugay na nga ginapangita nga hustisyà sang mga biktima.