Gina-atake naman sang mga tropa sang 94th IB ang pumuluyo sa Brgy. Buenavista, Himamaylan City, Negros Occidental diin ila ginmasaker sang nagligad nga Hunyo ang pamilya Fausto.

Naga-estar subong sa balay ni Rojer Lozano kag Junior Camanso sa Sityo Lanap ang 36 ka bilog nga tropa sang 94th IB.

Samtang, duha ka rio ang nasiplatan nga nagtaklad sa Sityo Owakan pakadto sa Sityo Alolong.

May mga tropa man sang 94th IB kag Citizen Armed Force Geographical Unit (CAFGU) sang Hilamonan Detachment nga naga-operasyon sa Sityo Paloypoy halin pa sadtong Sabado, Hulyo 8.

Masobra 30 kabilog man ang naga-operasyon sa mga sityo sang Pisok kag Madaha.

Palayason ang pasistang 94th IB sa Brgy. Buenavista!
Pasabton ang berdugo nga tropa militar sa tanan nga kalapasan sa tawhanon nga kinamatarung!