Maghalong gid sa berdugo nga 62nd IB!

Labi nga nagperwisyo sa pumuluyo ang ika-15 ka adlaw nga operasyon militar sang 62nd IB sa tri-boundary sang Binalbagan, Isabela kag La Libertad.

November 17, 2022 – mahisayran sang mga pumuluyo ang 11 ka kolum sang 62nd IB nga nagapanglugayawan sa nasambit nga border sang Binalbagan, Isabela kag La Libertad. Subong nga adlaw, Makita sang pumuluyo ang halos 300-400 ka tropa sang pasistang 62nd IB.

Binalbagan, Negros Occidental:
Pabilin ang pagkampo sang militar sa Brgy Hall sang Brgy Amontay, Binalbagan. Halos 2 na kaadlaw ang pagkampo sang militar. May nakita man nga masobra 20 ka tropa militar nga nagamartsa halin sa Sityo Omot, Brgy Santol padulong Sityo Malinong, sakop sang Brgy Amontay. Dugang pa ang masobra 30 ka tropa militar nga makita sang mga residente sa Sityo Bugalo, Brgy Santol, Binalbagan.

Isabela, Negros Occidental:
May namutikan man ang mga residente sang Brgy Riverside kag Brgy Cabcab nga may mga militar man sa ila lugar. Diri makita ang 1 ka platun sang 62nd IB sa Sityo Kapayawan, Brgy Cabcab. May nagakampo man nga masobra 40 ka tropa militar sa Brgy Hall sang Brgy Makilignit. May ara man nga platun sang 62nd IB sa Purok Tumpok, Brgy Aguntilang-3, mga 30 ka tropa militar sa Sityo Hinagduan, Brgy San Agustin, 40 ka tropa sa Sityo Camandagan, Brgy Riverside kag pabilin man ang pagkampo sang nasambit nga tropa militar sa balay ni Jerry Cancelo sa Sityo Camandagan, Brgy Aguntilang-3, Isabela.

La Libertad, Negros Oriental:
Nagakampo ang masobra 20 ka militar sa balay ni Jessie Altabarino sang Sityo Ampalali, Brgy Aya. Kag may nagatiner man nga halos 40 ka tropa militar sa merkado publiko sang sityo Tiwi, sakop sang Brgy Aya, La Libertad, Negros Oriental. Halos oras-oras ang pagpalupad sang militar sang mga drones nga nagadisturbo sa pumuluyo bangud sang kahadlok sa hinagunghong sang nasambit nga mga drones.

Maghalong gid sa berdugo nga 62nd IB!