Masupog nga Intel Asset sang 62nd IBPA Ginsilotan sang NPA

Ang Leonardo Panaligan Command-New People’s Army lubos gid nagapanginbulahan sa yunit sang NPA sa pagpatuman sang silot-kamatayon kay Brgy Kagawad Roselito Balasabas sandig sa desisyon sang Rebolusyonaryong Korte sang Pumuluyo sadtong Enero 14, 2023 alas 6:00 sang gab-i sa sityo Banban Dos, Brgy Guba, Vallehermoso, Negros Oriental. Madinalag-on nga nakumpiskar sa iya posesyon ang Engram sub-machine gun, 3 ka magasin kag mga bala.

Unanimous nga ginpamatbatan sang korte sang pumuluyo si Kagawad Roselito bangud sang mga kontra-pumuluyo kag kontra-rebolusyon nga nakomiter sini kaangay sang mga masunod:

  • Masupog nga intel asset sang 62nd IB-bisan pa man, sadtong August 2022- nagpaninguha pa ang NPA nga masulatan kag maistorya si Balasabas apang padayon nga nagpakatig-a. Muklat nga ginhatag sa militar ang nasambit nga sulat kag ginpaposisyunan sa militar ang natalana nga venue sa pag-istoryahanay agud ipadakop ang NPA nga mag-istorya sa iya.
  • Responsable man siya sa pagpamahug, pagredtag sa mga pumuluyo sa lugar, ginapasibangdan nga mga NPA supporters kag pilit nga ginapasurender.
  • Siya man ang tagtago sang mga intel operatives sang militar agud sundan ang hulag sang mga pumuluyo ilabe na ang mga aktibidad sang NPA kag gilayon ireport sa Brgy Guba, Army Detachment.
  • Siya man ang tagtago kag tag-akomodar sa mga operating troops sang militar agud lagson ang NPA kag bug-os nga rebolusyonaryong kahublagan nga nagaluntad sa lugar.
  • Isa man si Kagawad Roselito Balasabas sa 5 pa ka mga Kagawad sang Brgy Guba nga mga intel asset sang militar kag taghupot sang illegal nga mga armas.

Gina-athag man sang Leonardo Panaligan Command nga indi tanan nga Brgy Kagawad kag intel asset sang militar ang target sang NPA, kundi ang may kaangay lamang nga kontra-pumuluyo kag kontra-rebolusyon nga gawi ni Brgy Kagawad Roselito Balasabas.

Ang pagpatuman sang silot-kamatayon sang NPA kay Kagawad Roselito ang magserbe nga mabaskog nga paandam sa tanan nga may mga kaso sa Rebolusyonaryong Korte sang Pumuluyo. Sekreto magpakig-angot sa malapit nga mga yunit sang CPP-NPA sa inyo lugar agud ayuson ini. Ang NPA indi magduha-duha sa pagsilot sa inyo sandig sa kabug-aton sang kaso nga inyo nakomiter.

Masupog nga Intel Asset sang 62nd IBPA Ginsilotan sang NPA