Nakabatyag sang grabe nga troma ang isa ka menor de edad sang ginransak sang #DiMasaligan79IB ang pamilya Charita sang nagligad adlaw, Oktobre 31, sa Sityo Bunacan, Barangay Salamanca, Toboso, Negros Occidental.

Ginpangita sang nasambit nga militar ang isa sa ila himata nga ginpasibangdan nga katapo sang NPA.

Pila sa mga himata sang pamilya Ancheta aktibo sa mga paghimakas masa kag nagatambong sang mga hublag protesta kaangay sang isyu sang korapsyon sang flood control nga proyekto, panawagan para sa pagpatuman sang reporma sa duta kag iban pa.

Samtang, padayon nga nagaterorisa ang #DiMasaligan79IB sa ila mga operasyon militar.

May presensya sang mga tropa sang #DiMasaligan79IB sa Sityo Malig-on 2, Barangay Bandila, sa amo nga banwa, halin kagahapon, Nobyembre 2.

Halin pa sadtong ulihi nga semana sang Oktobre, wala untat nga naga-operasyon ang #DiMasaligan79IB sa mga barangay sang Calatrava, Negros Occidental.

Nagatiner ang nasambit nga militar sa Sityo Pinamaktinan, Barangay Cambayobo; sa Sityo Agtatahor, Barangay Macasilao kag sa Sityo Tipolo, Barangay Winaswasan.