Ginapanginbulahan sang Leonardo Panaligan Command-New People’s Army (LPC-NPA) ang yunit sang NPA sa madinalag-on nga pagpatuman sang dis-arma kag paandam kay Eddie Abarquez upod sa iya bodyguard nga si Lemark Nueva sa Sityo Manlama, Brgy Montilla, Moises Padilla, Negros Occidental alas 3:00 sang hapon, Marso 30.

Si Abarquez ang nagahupot sang illegal nga mga armas nga ginapamahug sa pumuluyo sa pagpang-agaw sang duta sa lugar paagi sa iya pribado nga mga goons. Samtang si Nueva ang isa sa pito ka mga goons ni Eddie. Si Abarquez man ang madugay na nga ginareklamo sang mga residente sa lugar kaangot sa ila pagpang-abuso kag pagpalupok sang armas upod sa iya kaugalingon nga mga goons. Nakuha sa ila posesyon ang isa ka shotgun kag isa man ka .22 long barrel rifle kag mga bala sang nasambit nga mga armas-luthang upod sa duha pa ka mga cellphones.

Maglunsar sang taktikal nga opensiba! Ihatag ang hustisya sa mga biktima sang pagpang-agaw sang duta kag pagpang-abuso sang pribado nga mga goons sa larangang gerilya! NPA kag pumuluyo mag-isa, pamatukan kag hublasan ang pasismo sang estado!