Gikan Oktobre 12 hangtod karon, sustenido ang mga operasyon militar sa 11th IB kuyog ang mga sakop sa Philippine National Police (PNP) ug CAFGU sa Southeast Negros.

Sa Bayawan City, Negros Oriental, unom ka barangay ang gipailawom nila sa militarisasyon:

1. Barangay Narra: tulo ka kolum (Kanggabi, Mansidlot ng adunay duha ka kolum; Tigbao adunay isa ka kolum; Tigso ug Proper (Nobyembre 27)

2. Barangay Tabuan: duha ka kolum. Niadtong Nobyembre 26, masobra 60 ka tropa militar ang nakit-an sa gym. Nisulod usab sila sa Sityo Dita niadtong Nobyembre 28.

3. Barangay Kalumbuyan: duha ka kolum ang anaa sa Kandumaw ug Proper.

4. Barangay Ali-is: may usa ka squad sa combat intel ug gikuyogan sa mga surrenderees nga may dalang mga mugbo nga armas. May mga sundalo usab sa Sityo Manlubed niadtong Nobyembre 27.

5. Barangay Villasol: adunay duha ka Reo nga puno sa sundalo ang misulod.

6. Barangay Tayawan: nag-operasyon sila niadtong Nobyembre 29.

Sa Barangay Kalumboyan nahimutang ang ilang command post.

Nobyembre 26: may upat ka Reo trak nga puno sang sundalo nga nagpaingon sa bukid sa Pamari erya, sakop sa Bayawan City.

Nobyembre 27, alas 3:00 sa buntag: nakit-an nga padulong ang mga sundalo sa Barangay Kalumboyan.

Nobyembre 27 pasado alas 6:00 sa buntag: may nakit-an nga duha ka Reo nga mipadulong sa Barangay Dawis, Bayawan City.

Sa Tanjay City, Negros Oriental, nagpabilin nga may tropa militar nga niabot og upat ka kolum sa Barangay Sto. Niño (ilabi na sa Sityo Cayawcaw ug Proper) hangtod karon.

May nadawat nga report ang mga Pulang hangaway nga may mga pangbomba nga kagamitan nga anaa sa sulod sa detatsment sa Barangay Calicanan, Pamplona, Negros Oriental.

May mga nakasibilyan usab nga mga tropa sa militar nga nagpakaaron-ingon nga maglilibod og mga produkto.

Nagpalupad sila og mga drone niini nga mga erya matag gabii. Gimandoan usab sa mga tropa militar ang mga residente nga mo-report sa barangay kung may mga tawo nga dili nila kaila nga mosulod sa lugar. Kung gabii, nagpahigayon sila og curefew gikan alas 8:00 sa gabii hangtod alas 4:00 sa buntag.

Ang Bayawan City ang ikaduha nga phase sa implementasyon sa masobra 300,000 ka ektarya nga Tamlang Valley Zone of Peace nga proyekto para sa eko-turismo ug sa kaulahian, para sa mina nga makaapekto sa kinabuhi ug panginabuhian sa katawhan. Lakip nga gilangkob niini nga proyekto mao ang mga lungsod sa Siaton, Santa Catalina, Valencia, Pamplona ug Sibulan; tanan sakop sa Negros Oriental.

Target usab ang Sityo Mambunot (Bao-bao Peak) sa Barangay Tayawan, Bayawan City sa eko-turismo ug mina. Ang bukid sa Pamari gi-target nga minahon ug tamnan usab og oil palm ug rubber tree.