Sa una nga semana sang Agosto sini nga tuig, ginharas sang isa ka yunit sang Armando Sumayang Jr Command-New People’s Army (ASJC-NPA) ang nagakampo nga mga tropa sang 15th IB sa Sityo Patol, Barangay Caliling, Cauayan, Negros Occidental.

Ini nga aksyon militar sabat sa demanda sang pumuluyo sang hustisya bangud sa madamu nga krimen sang 15th IB sa lugar. Gani,ang presensya sa nasambit nga militar halit mismo sa pangabuhian sang pumuluyo nga mahadlok na magkadto sa ila mga uma kag ulobrahan bangud sa pagpang-imbestigar kag pagpamahug sa militar, kag sa nagkalatabo sa mga inosente nga mangunguma nga pasibangdan nga NPA ukon suporter.

Magapadayon ang NPA nga manukot sang hustisya kag magapatuman sang pagsilot sa mga may krimen kag halit sa pumuluyo kag sa rebolusyonaryong kahublagan, upod sa tinguha sa pagpanday sang bag-o nga sosyedad nga wala nakabase sa pagpamigos kag pagpanghimulos.