Kapin sa 200 ka tropa sang 62nd IB nakapakat gikan pa sadtong Hunyo 3 tubtob subong Hunyo 5, 2023 sa mga binukid nga bahin sang Moises Padilla kag Guihulngan. Halos 8 ka kolum ang makita nga nagapangsaka-saka sa mga kabalayan, nagatiner sa mga eskwelahan kag pilit nga ginatapatawag ang mga residente kag ginapa-ako nga mga supporter sang NPA. Nagtuga ini sang kakugmat sa pumuluyo kag nagperwisyo sa ila pagpanguma kag pagpangabuhi sa lugar.

Halin pa petsa 3 sang Hunyo asta subong Hunyo 5, makita ang 3 ka kolum sang pasistang militar sa sityo Cuyawyaw. May 2 man ka kolum sang berdugong 62nd IB sa sityo Binataan, 1 ka kolum sa sityo Tibubong nga nagatiner sa eskwelahan. Ginahimo nga kampo militar ang Tibubong Elem. School, tanan sang Barangay Quinten Remo, Moises Padilla. May 2 man ka kolum sang nasambit nga tropa sa sityo Agogolo kag padayon nga nagatiner man sa sityo Agogolo Elem. School tanan sakop sang Barangay Macagahay sang amo gihapon nga banwa.

Samtang may isa man ka kolum nga makita sa sityo Anahaw, Barangay Sandayao, Guihulngan kag mentinado ang pagtiner sang militar sa sityo Punong Elem. School, Barangay Trinidad, Guihulngan. Ang Punong Elem. School ang ginhimo nga advance command post sang nasambit nga berdugong tropa.