May isa ka kamatuoran kag pagpanghangkat na dapat atubangon ang mga pamantan-on, ini nga ang armado nga pagrebolusyon lamang ang makahilway sang aton katilingban nga mapanghimulos. Kamatuoran ini nga ginapamatud-an sang kasaysayan kag sitwasyon sang aton nga pungsod kag bilog nga kalibutan. Kamatuoran ini nga dapat atubangon kag hakson sang tanan nga pamantan-on para sa pag-angkon sang pagbago padulong sa isa ka sistema nga hilway sa paghimulos kag may pagalalangay.

Kung aton usuyon liwat ang kasaysayan sang aton nga pungsod makita naton nga ang lugar sang pamatan-on ara sa paghimakas. Sila Bonifactio (29 anyos), Sakay (26 anyos), Mabini (31 anyos), Jacinto (21 anyos), kag madamo pa sadto nga mga katipunero ang pareho naton mga pamatan-on sang ila maisog nga gin bitbit ang bolo kag riple para palayason ang kolonyalistang espanol. Si Coronacion “Waling-Waling” Chiva (18 anyos) pamatan-on man siya nag-intra kag nagpamuno sa daan nga PKP kag sa dalayon sa Hukbong Mapagpalaya ng Bayan (HMB) sadtong 1940s asta 1950s, nagbato sila kontra sa imperyalismo sang mga kano hapones, kag papet na republika.

Nagpadayon ini nga rebolusyonaryo nga tradisyon, sang dekada 60s pamatan-on man ang liwat na nagpanguna kag naging bubon para pagpadayon sang wala natapos nga rebolusyon sang 1896. Mga miyembro sang KM nga gin tukod sang mga pamatan-on kaangay ni Jose Maria Sison, ang nangin organisador kag nag desisyon nga maging hangaway batok sa diktadurya ni Marcos kung sa diin nagpadayon man sila organsia sang mga mamumugon kag mangunguma para makigbahin man sa rebolusyon. Sila ang patikang-tikang nga nagpabaskog ang rebolusyon kaupod ang nagkalain-lain nga sektor ilabi ang basehang masa sa atubang sang grabe nga atake pero amo man nagpatalsik sa pasista nga diktadurya kag nagapadayon sang rebolusyon. Tun-an naton ang kabuhi sang mga baganihan pareho nila Ka Concha Araneta kag Ka Roberto Cabales nga biskan sa bata nga edad ginbuy-an ang petiburges na mga handom kag gin sakdag ang interes sang pumuluyo.

Bilang mga pamatan-on pareho sa aton may-ara personal nga mga handom nga makaangkon sang kabuhi nga may kasulhayan upod ang aton pamilya, apang sa paglabot sang sini nga handom, wala na lamang nila gin limita sa pangkaulgalingon kag pinamilya nga kasulhayan ang gusto nila maangkon kundi naging kabahin na ang malapad nga pumuluyo sa gusto nila alagaran kag hilwayon sa kapigadohan kag pag antus sa sistema nga mapanghimulos, gani gin usoy nila ang dalan sang rebolusyon para malabt ang masanag nga bwas damlag para sa tanan.

Sa amo man nga kasaysayan makita naton ang kamatuoran nga ang pag-armas sang pumuluyo lamang ang matuod-tuod na makahilway aton. Armas ang nagpalayas ang Espanyol, Hapones, kag mangin sa diktador na si Marcos. Sa subong armas man lamang ang makabuka sang imperyalismo, pyudalismo, kag burukrata kapitalismo. Armas ang magadala kag magapabata sa sosyalismo kag kahilwayan nga aton ginahandom. Gani sa pagsulong ang rebolusyon dapat sikwayon sang pamatan-on ang tanan nga petiburges nga tendensiya, pagpangita sang katawhay, paghindi sa sakripisyo, kag liberalismo. Napangibabawan ini sang pamatan-on nga antis pa man sa aton, kag mapangibabawan man naton ini.

Padayon nga gapabilin ang basehan nga kondisyon sang rebolusyon. Gapabilin nga wala masanag buwas damlag ang pamatan-on sa mala-pyudal kag mala-kolonyal na katilingban. Gapabilin nga wala sang kaugalingon nga duta ang mga mangunguma, manubo ang sweldo sang mamamugon, hindi libre kag aksesible ang edukasyon sang pamatan-on, hindi maayo nga kondisyon sa sistema sang ikaayong lawas, madata nga korapsyon sa gubyerno. Gapabilin nga pigado kag ginahimuslan ang pumuluyong pilipinhon. Sa nagalala nga kahimtangan sang pungsod, matambok ang duta para magrebolusyon.Sa palaabuton kag sa pagpadayon sang aton paghimakas padayon ang Kabataang Makabayan nga magapalapad, mag-ugat sa masa, mapatalom sang kaalam, kag magapadala sang madamo nga pamatan- on para maging hangaway sang pumuluyo.

Sabton naton ang hangkat sang panahon!
Hakson ang armado nga paghimakas!
Pamatan-on mag intra sa NPA!