Ginkumpirmar sang tagtaghol sang 62nd IB sa pagpanguna ni Col. William Pesase Jr, 62nd IB Commander sa ila radio program (Enero 23 alas 12:00 sa udto) nga planted kag recycled ang mga armas nga hungod nga gintanom sang tropa militar sa gin-alegar duha nga kaswalti sang New People’s Army (NPA) sa peke nga engkwentro sa tunga sang NPA kag berdugong tropa sang 62nd IB nga sanday Dionesio “Boy” Baloy kag Bernard Torres sa Hda. Gomez, Barangay Sag-ang, La Castellana, Negros Occidental sadtong Enero 17 sang aga.

Suno sa mga tagtaghol sa kaugalingon nga radio program sang 62nd IB sa ila headquarter nga nahamtang sa Barangay Libas, Isabela, Negros Occidental, ang .45 cal pistol nga dala ni Dionesio Baloy amo ang .45 cal pistol ni Corporal Mark Anthony Qiuocson nga nakumpiskar sang NPA matapos nga gin-sparu sa Brgy Luz, Guihulngan sadtong tuig 2020.

Ang kamatuoran, Mayo 20, 2023 pa ginsurender na ang ini nga armas ni Reymark Dayanan sa tropa sang 62nd IB. Ini man nga armas ang nalakip na sa mga litrato nga ginpalapnag sang nasambit nga pasistang tropa sa social media nga kuno kabahin sang ila accomplishments.

Makahuluya nga liwat naman ini ginpresentar sa publiko nga mga armas matapos ang peke nga engkwentro sa La Castellana sadtong Enero 17.

Kaladlawan, nga daw wiper ang liog ni Pesase kag de Guzman, ang 62nd IB Spokesperson, upod ang kabilugan nga tropa sang #Liar62ndIB sa paghinabon sang ila kalakasan kag kabutigan. Amo na ang ginasiling “Ang isda indi gid mabunit sa iya ikog kundi sa iya baba.”

Hublasan ang kabutigan sang berdugong 62nd IB! Pabayaron sang dako ang mga ini sa ila mga kalakasan sa pumuluyo sang Central Negros! ###