Ginapanginbulahan sang Leonardo Panaligan Command-New People’s Army (LPC-NPA) ang isa ka yunit sang NPA sa pagsilot kay Wilmar Amosco, 48 anyos, sang nagligad nga Disyembre 23, alas 10:00 sang aga sa Sityo Inumulan, Barangay Bucalan, Canlaon City, Negros Oriental sa tunga sang madamo nga presensya sang pasistang militar sa lugar.

Si Amosco, nga isa man ka aktibo nga barangay tanod sa amo nga lugar, napamatbatan sa kaso nga rape kag isa ka attempted rape halos duha ka tuig na ang naglabay.

Nagdulot sang sobra nga troma sa biktima kag tubtob subong wala pa naumpawan matapos nga makuha ni Amosco ang iya maitom kag sekswal nga tuyo sa biktima.

Makaduha ka beses nga ginbista sang rebolusyonaryong korte sang pumuluyo ang amo nga kaso sadtong tuig 2024 kag ginrepaso sa sini nga tuig.

Si Amosco masupog man nga makinaryas tagpaniktik sang 62nd IB kag PNP si Amosco sa pagsunod sa hulag sang NPA sa lugar.

Ini nga opensiba sang NPA sa Central Negros ang magserbe nga paandam sa tanan nga mga indibidwal kag grupo nga may gina-atubang nga kaso sa rebolusyonaryong kahublagan, sa mga nagtraidor sa masa kag rebolusyon ilabe na ang may mga utang nga dugo sa pumuluyo, nga determinado ang NPA sa pagpatuman sang silot sandig sa kaso nga inyo nakomiter para ihatag ang nagakaigo nga hustisya sa inyo mga nabiktima.