Gikalipay sa lumulupyo sa mga Sityo sa Kantawad ug Libas sa Barangay Imelda, Guihulngan City, Negros Oriental ang pagpatuman sa Leonardo Panaligan Command New People’s Army (LPC-NPA) og silot kamatayon batok kang Jeremias Bianggos, 59 anyos, niadtong Hulyo 16, alas 7:40 sa gabie.

Determinado nga gipatuman sa yunit sa LPC-NPA ang mando sa Rebolusyonaryong Korte sa Katawhan aron mahatagan ug hustisya ang mga biktima ug malikayan ang uban pa nga gustong biktimahon ni Bianggos.

Incest rape ug masupog nga intel asset sa militar ang kaso nga gipamatbat sa Rebolusyonaryong Korte sa Katawhan kang Bianggos niining bulana. Napamatud-an siya nga iyang gikomiter ang paglugos o pagpahimulos sa kaugalingon niyang anak ug binalaye ug paghatag ug impormasyon sa tropa militar sa lihok sa mga masa ug Pulang manggugubat sa lugar.

Si Bianggos giestorya sa NPA ug gipahimangnoan sa iyang pagpagamit sa militar niadtong 2017, pero wala siya nagbag-o, sa baylo naghimo siya ug dili maayong binuhatan.

Ang pagpakanaug sa silot kamatayon ni Bianggos usa ka pamatuod nga sinsero ang NPA sa pagpatuman sa rebolusyonaryong hustisya alang sa kaayuhan sa tanan nga katawhan. Kini magsilbi usab nga pahimangno sa mga malain nga elemento sa komunidad ilabina sa mga supog nga tighatag ug impormasyon sa mga tropa militar.

Gipanawagan usab sa LPC-NPA nga dili pagsundon ang binaboy ug dili maayong ehemplo ug gawi ni Bianggos. Samtang angayan natong bangunon ug itaas ang moralidad ug dungog sa kababaihan ug mga kabataan sa tibuok nasud nga pirming biktima sa mahimuslanon nga kultura ug sistema nga nagtunhay. Magkuyog kitang tanan sa pagbag- o pinaagi sa mainantuson ug walay kakapoy nga pakigbisog.

Gipasalamatan man sa LPC-NPA ang padayon nga suporta ug walay paghubas nga pagsalig sa katawhan sa rebolusyonaryong kalihukan.