Patay ang katapo sang RPA-ABB nga si Ramel Europa sang ginpatuman sang Leonardo Panaligan Command-New People’s Army ang silot-kamatayon sandig sa mando sang Rebolusyonaryong Korte sang Pumuluyo sadtong Enero 23, 2023 alas 10:00 sang aga sa sityo Polonia, Barangay Manghanoy, La Castellana, Negros Occidental.

Si Europa ang aktibo nga katapo sang RPA-ABB sadtong tuig 1998-2015. Bilang mga tulisan kag bayaran nga grupo, nangin kabahin siya sa mga krimen sang RPA-ABB nga nagkalatabo sa banwa sang La Castellana partikular na ang paghold-up kag pagpatay sa isa ka babaye nga manugbaligya bingka sang Barangay Hilaitan, Guihulngan, Negros Oriental. Si Europa ang madugay na nga ginareklamo sang mga pumuluyo bangud nagapamahug kag nagapangkastigo sa mga sibilyan sa lugar ilabe na sa Barangay Kamandag, La Castellana. Ginareklamo man ini siya sang mga small planters sa pagpamahug kag pagpangilkil gamit ang ngalan sang NPA. Isa man si Europa sa mga abusador nga goons sang isa ka despotiko nga pulitiko kag agalon may duta sa lugar. Si Ramel Europa isa ka lehitimo nga target sang NPA.

Ang LPC-NPA indi gid malipat sa pagsukot sang utang nga dugo sang RPA-ABB sa mga pumuluyo. Gani, liwat kami nagahangyo nga magsumiter kamo sang inyo kaugalingon sa malapit nga yunit sang CPP-NPA agud ayuson ang inyo mga kaso nga nakomiter batok sa pumuluyo kag bug-os nga rebolusyonaryong kahublagan.