Madinalag-on nga gin-snipe sang NPA idalum sa Mount Cansermon Command ang naga-operasyon nga tropa sang berdugong 94th IB sa Sityo Cabadbaran, Brgy Santol, Binalbagan, Negros Occidental sadtong Pebrero 16, 2023 alas 7:00 sang gab-i. Isa (1) patay sa nasambit nga tropa samtang ang iban nagdinalagan matapos nakabati sang lupok halin sa NPA suno sa mga residente.

Nadumduman ang tropa sang 94th IB ang brutal nga nagpatay sanday KA JACK, KA CHAY, KA FERNAN kag KALOY sadtong July 2022 sa Sitio Amilis, Brgy Santol, Binalbagan.

Ginapanawagan sa tanan nga yunit sang MCC-NPA nga maglunsar sang taktikal nga opensiba batok sa pasistang PNP, AFP kag iban pa nga makinaryas sang pasistang tropa agud hatagan sang nagakaigo nga hustisya ang mga biktima sang kapintas sang nasambit nga tropa.###
Post navigation