Gi-ambusan sa mga operatiba sa Bagong Hangaway sang Banwa idalum sa Roselyn Jean Pelle Command – Northern Negros Guerrilla Front (RJPC-BHB) si Roberto Sanopao sadtong Disyembre 21, 2021 mga alas 4 sang hapon sa Sityo Huybesan, Barangay Minapasuk sa banwa sang Calatrava. Si Sanopao isa ka supog nga paniktik sa amo nga lugar.

Nakumpiska sa RJPC-BHB ang isa ka .38 ngarebolber, mga bala kag mga ID, lakip ang ID sa iya pagka-myembro sa Barangay Intelligence Network (BIN).

Sa imbestigasyon sa RJPC-BHB, si Sanopao isa ka aktibo nga paniktik upod sanday Jeremias Dyotay, Tolindoy “Weng-weng” Natial, Reynaldo Bankrigo kag Bonagan.

Dugay na nga ginareklamo sa mga residente sa amo nga lugar ang iya pagpaniid kag pagpang-agaw duta. May pila ka bes nga nagpalupok si Sanopao para magpamahug sa mga residente.

Ginpapanaugan si Sanopao sang Standing Order (SO) sa rebolusyonaryong korte sang pumuluyo sadtong 2021.

Ginkalipay sa mga residente ang pagpatuman sa RJPC-BHB sa pagsilot kay Sanopao.

Pursigido ang RJPC-BHB sa paghatag hustisya sa mga biktima sa mga kontra-rebolusyonaryo kag kriminal, pareho kay Sanopao.

Pasulit-sulit nga nagpaandam ang RJPC-BHB sa mga kontra-rebolusyonaryo, traydor kag mga kriminal nga mag-untat na sa ila makahuluya nga obra kag magsurender sa pinakalapit nga yunit sa Partido Komunista sang Pilipinas, BHB ukon sa mga rebolusyonaryo nga masang organisasyon.