Tatlo ka mangunguma, gindakop sa nabukid nga bahin sang Himamaylan City
Dionesio Magbuelas | Spokesperson | NPA-South Central Negros (Mt. Cansermon Command) | Negros Island Regional Operational Command (Apolinario Gatmaitan Command) | New People's Army
January 21, 2024
Gindakop sang mga katapo sang 94th IB bisan wala sang kaso ang mag-amay nga sanday Deloy kag Vences de Leon, kag Remy Villacanao, mga mangunguma, sa Sityo Cantupa-Pisok, Barangay Buenavista, Himamaylan City pasado alas 2:00 sang hapon subong nga adlaw, Enero 21.
Ginsakay ang tatlo sa salakyan sang 94th IB nga nakaparking sa Sityo Alolong sa amo nga baryo.
Mga katapo sang Kauswagan sang mga Mangunguma sa Buenvista (KMB) ang iligal nga gindakop. Isa man ka lider simbahan si Deloy de Leon.
Tatlo ka mangunguma, gindakop sa nabukid nga bahin sang Himamaylan City
