Padayon nga nagkagrabe ang militarisasyon nga gihimo sa pasistang 62nd IB sa bukirang bahin sa Central Negros sukad niadtong Oktobre 1 hangtod karon.

Sa Guihulngan City, Negros Oriental, may nakita nga lima ka trak nga puno sa nasambit nga militar gikan sa Barangay Bulado ug gibahin kining maong mga tropa sa mga barangay sa Binobohan ug Tacpao, sa maong syudad.

Samtang, anaa sab sila sa mga sityo sa Amumuyong, Panagtugas, Agit, Panginyanan, Banderahan, Tagbak, Punong, Parkingan, Bungaw kag Kambayugon, mga sakop sa Barangay Trinidad.

Niadtong Oktobre 3, gisaka ug gipangwas-ag ang mga kagamitan sa balay ni Rodrigo Pasinabo. kini nga balay wala na gipuy-an sa maong pamilya apan gitineran nila kini kung mag-obra sila sa ilang uma. Mahinumduman nga kining balay ni Pasinabo pirmi na nga giransak sa mga nasambit nga sundalo sa 62nd IB. Hangtod karon, nagtenir lang gihapon ang maong mga tropa sa balay ni Pasinabo. Nagtuga kini og kahadlok sa iyang pamilya ug wala na sila nakaadto sa ilang uma.

May gibutang usab nga mga sundalo sa Sityo Maluy-a, Barangay Sandayao ug sa mga sityo sa Binil-iwan ug Binitibutan, Barangay Calupa-an.

May nakita sab nga mga sundalo sa mga sityo sa Gusa, Ehid kag Malatanglad, sakop sa Barangay Budlasan, Canlaon City, Negros Oriental.

Nag-operasyon man ang tropa militar sa mga sityo sa Tubod kag Nabalbag, sa Barangay Macagahay, Moises Padilla, Negros Occidental.

Sa mga operasyon sa berdugong 62nd IB, nagtenir sila sa mga balay sa mag-uuma, simbahan, barangay hall ug uban pa.