NTF-ELCAC, bungkagon!

Nagprotesta ang 100 ka aktibista sa Quezon City niadtong December 4 aron ipanawagan ang pagbungkag sa NTF-ELCAC ug paghatag sa pondo niini sa katawhan. Wala lamang ginagamit ang pondo niini alang sa red-tagging, ginahimo usab kini tinubdan sa korapsyon sa mga heneral ug anti-komunistang propagandista sa rehimen. Maayo pang gamiton na lang ang pondo alang sa ayuda, pangpalit og bakuna o di kaha subsidyo sa mga estudyanteng naglisud sa online ug blended learning.

CBA sa mga mamumuo sa Nexperia, nagmadaugon

Malampusong napaduso sa mga mamumuo sa Nexperia ang CBA batok sa kumpanya. Lakip sa benepisyong ilang napadaug mao ang paghatag og kompensasyon o retroactive pay sa Nexperia alang sa unum ka bulan nga walay operasyon tungod sa lockdown ug dugang suhol kada tuig sukad 2021. Yawe sa ilang kadaugan ang serye sa mga protesta sa mga mamumuo, lakip na dinhi ang silent protest nga gilunsad niadtong Nobyembre 24 aron iduso ang trabaho ug panglawas taliwala sa pandemya.

Misa sa pagpasalamat ug panaghiusa, gipahigayon

Nagpahigayon og misa sa pagpasalamat ug panaghiusa ang mga residente sa Barangay IVC, Marikina niadtong Disyembre 5 isip pag-ila sa mga organisasyong mitabang kanila panahon sa kalamidad ug aron ipadayag ang pagsupak sa mga proyektong kontra-kinaiyahan.
Ayha niini, nagprotesta usab alang sa hinanaling ayuda ang mga residenteng apektado sa bagyong Rolly sa Freedom Park, Marikina niadtong Nobyembre 21 ug 25. Gibanabanang mokabat sa ₱30 bilyon ang mga naguba nga kabtangan ug panginabuhian sa syudad pa lang.