Ginpangunahan sang mga kagawad kag tanod sang barangay ang pagbalabag sa plano nga pagtukod sang mga kampo militar sa Barangay San Francisco-B, Lopez, Quezon sang Agosto 7. Ululupod nga ginpalayas sang mga residente ang mga tropa nga magatukod sang detatsment. Suno sa mga upisyal, gilayon nga nagpalab-ot sang reklamo ang mga residente diri sang mabalitaan nila ang plano sang militar.

Ini na ang ikalima nga kahigayunan nga ginpalayas sang mga residente sang Quezon ang mga kampo-militar halin sang bulan sang Mayo. Nauna na diri ang pagpalayas sa mga suldado sa Sta. Elena kag Cawayan sa Lopez; kag Vista Hermosa kag P. Herrera sa Macalelon.