Duha ka mag-uuma ang giaresto human gitamnan og ebidensya ang ilang mga balay niadtong panahon sa eleksyon. Giaresto si Victoria Tumabiao sa mga elemento sa 61st IB, Iloilo Provincial Intelligence Unit ug PNP-Leon sa sentro sa Barangay Jimog-Gines, Leon, Iloilo niadtong Mayo 9, adlaw sa botohan. Si Tumabiao usa ka pollwatcher sa party list nga Anakpawis ug lider sa Leon United Peasant Association.

Niadtong Mayo 4 giaresto sa kasong illegal possession of firearms si Danilo Hapa, residente sa Sityo Parad, Barangay Fabrica, Barcelona, Sorsogon sa mga elemento sa PNP-Barcelona ug 31st IB. Si Hapa ang ika-12 nga biktima sa tanim-baril sa Sorsogon.

Pagpatay. Namatay sa pagpamusil sa mga elemento sa 67th IB sa Sityo Mamparasan, Barangay San Roque, Bislig City, Surigao del Sur si Lolong Magallanes niadtong Mayo 6. Niadto pang Abril ginahasi si Magallanes sa mga elemento sa intelidyens ug ginaakusahang kontak ug tigsuporta sa Bagong Hukbong Bayan.

Pagpanunog. Niadtong Mayo 13, giatake ug gisunog sa tropa sa 31st IB ang balay ni Adelfa Quiñones sa Barangay San Pascual, Casiguran, Sorsogon. Gihulga usab sa mga sundalo si Henry Fusana nga panimaslan kung aduna silay makaengkwentrong yunit sa hukbong bayan sa lugar.