Giambus sa Bagong Hukbong Bayan (BHB)-Sultan Kudarat ang nagabyaheng mga sundalo sa 57th IB nga sakay sa usa ka siksbay sa Purok Dulangan, Km 18, Barangay Salangsang, Lebak niadtong Mayo 14. Ang maong yunit militar ang protektor sa magun-ubong operasyon sa troso sa D.M. Consunji Inc.

Tulo ka sundalo ang dihadihang namatay sa armadong aksyon samtang upat ang nasamdan. Gikalipay sa masang Lumad nga Dulangan-Manobo ug Moro ang malampusong pagsilot sa 57th IB. Dugay nang gireklamo sa mga residenteng Lumad ang pagpanghulga, pagpamig-ot ug pugos nga pagpasurender kanila sa militar.

Sa Surigao del Sur, usa ka sundalo sa 3rd Special Forces Battalion ang napatay sa operasyong isnayp sa mga Pulang manggugubat niadtong Mayo 3 sa Diatagon, Lianga. Nagpahigayon og operasyong kombat ang maong yunit sa kaaway dihang gipabuthan kini sa BHB.