Giambus sa usa ka yunit sa Bagong Hukbong Bayan (BHB)-Sultan Kudarat ang mga sundalo sa 37th IB nga nagsubay sa haywey duul sa Sityo Babangkaw, Barangay Paril, Kalamansig, Sultan Kudarat niadtong Mayo 31. Lima ka sundalo ang napatay ug pito ang nasamdan. Resulta nito, natanggong ang pagalunsarong operasyong kombat sa 37th IB sa lungsod sa Palimbang.

Gikalipay sa katawhan sa lugar ang ginalunsad sa BHB nga kampanya batok sa dinagkung pagpangtroso sa Timog Daguma. Sa usa ka operasyon sa BHB niadtong Hunyo 1, malampuson nga napahunong ang iligal nga operasyon sa Sityo Manga, Barangay Kibohol, Palimbang. Duha ka opereytor ang temporaryong gidetine sa mga Pulang manggugubat. Ang maong grupo gipangulohan sa usa ka Mondragon Digandang kakunsabo sa D.M. Consunji Incorporated (DMCI) sa iligal nga pagpangtroso.

Maagnihong giistorya sa mga Pulang mangugubat ang mga mangtrosohay ug gipasabot ang kamahinungdanon sa pagpanalipud sa yutang kabilin ug pag-atiman sa kinaiyahan. Nagsaad ang duha nga ihunong ang iligal na operasyon ug pagpakigtinabangay sa DMCI.

Sa Lanao del Sur, giharas sa usa ka yunit sa BHB ang nag-operasyong yunit sa 34th IB sa bukirong bahin sa Maguing niadtong Mayo 25. Duha ang napatay sa mga sundalo samtang tulo ang nasamdan.