Human ang pipila ka tuig, giusbawan og gamay sa rehimeng Duterte ang suhulan sa mga mamumuo sa nasud. Nag-usbaw sa suhulan ang kadaghanan sa mga rehiyon og ₱15 hangtud ₱110.
Pagatumanon ang pagtaas sa suhulan sa duha hangtud tulo ka distribusyon sa mosunod nga duha hangtud tulo ka tuig. Pagasugdan ang kadaghanan sa pag-usbaw sa suhulan karong Hunyo.

Sa pikas bahin, magpabiling nakalansang sa ₱329 ang suhulan sa mga mamumuo sa Region IV-B. Ingonman, layo pa gihapon kini sa makabuhi nga suhulan alang sa tanan luyo sa mga pag-usbaw.

Padayon ang pagduso sa mga mamumuo sa pagpanguna sa Kilusang Mayo Uno (KMU) alang sa ₱750 nga nasudnong minimun nga suhulan. Nagprotesta sila atubangan sa Kongreso niadtong Mayo 23 aron iduso ang pagbalaod sa ilang panawagan ug pagkontrol sa pagsirit sa presyo sa lana ug mga palaliton. Gisugat ang protesta sa barikada sa mga pulis.

Niadtong Mayo 24, naglunsad usab og protesta ang mga myembro sa KMU-Southern Mindanao Region atubangan sa DOLE-XI Regional Office aron iduso ang panawagan alang sa nasudnong minimum nga suhulan.

Aduna usay parehong protesta nga gitawag og Flores de Endo sa Calamba, Laguna niadtong Mayo 31.