Sa labing una nga kahigayunan, napilian sa Colombia ang isa ka presidente nga ginatawag maka-Wala kag anti-neoliberalismo. Nagdaug sa eleksyon sang Hunyo 19 sanday Gustavo Petro, upod sang iya bise-presidente nga si Francia Marquez. Ginkumparar siya sa mga bag-o napilian nga anti-imperyalista nga presidente sa Chile, Honduras kag Peru.

Madugay na nga nagaalagad nga meyor sang Bogota, kabisera sang pungsod, si Petro. Kilala man siya bilang anay myembro sang M-19, isa ka armadong gerilyang grupo, nga nagbato sa gubyerno sang dekada 1980. Si Marquez naman kilala bilang aktibista nga maka-kapalibutan.