Ginatos ang delegasyon sang pungsodnon-demokratikong grupo sang LGBTQ+ nga Bahaghari sa protesta sang Pride sa Pasay City kag Quezon City sang Hunyo 25 kag 28. Panawagan nila, sukton ang rehimeng Duterte kag batuan ang magasulod nga ilehitimo nga rehimeng Marcos II.

Kabahin sila sa indi magnubo sa 55,000 nagpartisipar sa mga protesta nga Pride nga ginlunsar sa nagkalainlain nga bahin sang pungsod. Nagapanguna nga tema sang mga protesta ang panawagan sang sektor batuk sa diskriminasyon kag pagpamigos, pagkilala sa ila nga kinamatarung kag pagsulong sa ginaproponer nga SOGIE Equality.

Ginlunsar man ang mga aktibidad sa mga syudad sang Baguio, Iloilo, Dumaguete, Butuan, Romblon, Cebu, Misamis Oriental kag iban pang lugar sa pungsod. Samtang ginpamunuan sang Southern Tagalog Pride ang isa ka pangrehiyon nga protesta sa UP Los Baños sang Hunyo 28.