INAMBUS NG BAGONG Hukbong Bayan (BHB)-Mindoro ang 4th IB sa Lipitan, Barangay Monteclaro, San Jose, Occidental Mindoro noong Abril 25. Isa sa kanila ang napatay. Nakumpiska sa kanya ang isang kalibre .45 pistola na may dalawang magasin at selpon.

Imbwelto ang tatlo sa mga operasyong paniktik ng AFP at sapilitang pagrekrut sa CAFGU ng mga Hanunuo at Buhid sa bayan ng Rizal at San Jose.
Taliwas sa kasinungalingan pinalalabas ng 4th IB na idinamay ng BHB ang mga sibilyan, tiniyak ng mga Pulang mandirigma na hindi masasaktan ang apat na sibilyang kasama ng tatlong mga sundalo.

Sa Bulacan, dalawang sundalo ng 70th IB ang napatay sa isang engkwentro sa yunit ng BHB-Bulacan sa Sityo Balagbag Araw, Barangay San Isidro, San Jose del Monte noong Abril 28 ng umaga. Ang 70th IB ay masugid na protektor ng interes ng naghaharing uri na sila Villar, Robes at Araneta. Sangkot sila sa pangdadahas sa masang magsasaka sa kampanyang pangangamkam ng lupa ng pamilyang Araneta sa mahigit 700 ektaryang lupa sa naturang lugar.