Marso 26, 2022 alas 8:00 sang aga, liwat naman nga ginsaka sang 18 ka tropa sang IB ang balay sang mag-asawa nga sanday Danilo kag Libeth Gerunda sang Sityo Caliban, Brgy Banog-banog, Isabela, Negros Occidental. Ginkuhaan naman sang litrato ang mag-asawa nga Gerunda. Nadumduman nagligad nga mga inadlaw ginsaka man ini nga puluy-an, wala ang mag-asawa sina nga panahon, pilit man nga ginsaka ang ila puluy-an kag ginlitratuhan man sang nasambit nga militar ang mga kabataan kag mismo ang ila puluy-an.

Marso 28 sang aga, ginsaka naman sang 12 ka tropa sang 62nd IB ang puluy-an sang mag-asawa. Gin-interogar kag ginkuga si Danilo Gerunda sang amo gihapon nga lugar. Pilit sila nga ginapasugid sang militar sa presensya sang NPA. Ini ang ika-tatlo na nga ginbayolar sang 62nd IB ang tawhanon nga kinamatarung sang mag-asawa nga Gerunda.

#LayasPasistangMilitar!