Madinalag-on nga ginpatuman sang Leonardo Panaligan Command-New People’s Army (LPC-NPA) ang pagpahamtang sang silot nga kamatayon kay Henry Pracio, 54 anyos sang Sityo Patuyo, Barangay Makilignit, Isabela, Negros Occidental kahapon, Hunyo 16 alas 5:15 sang hapon.

Tuig 1980’s, nangin madata sa banwa sang La Libertad, Negros Oriental ang pagtukod sang militar sang mga dekolores-armadong-panatiko nga grupo bilang mga force multiplier sang AFP kag PNP nga suportado sang lokal nga burukrata kapitalista kag agalon may duta sa nasambit nga lugar batok sa CPP-NPA kag bug-os nga rebolusyonaryong kahublagan. Ang nabukid nga bahin sang banwa sang Isabela, Negros Occidental ang malab-ot man sa operasyon sang mga panatiko nga grupo.

Si Lydio Baylon nga ginasaligan nga tinawo sang politiko nga si Jossy Limkaichong ang kilala nga lider sang panatiko nga grupo nga madamo sang utang nga dugo sa pumuluyo sang La Libertad kag kasikbit nga banwa sa Negros Occidental kaangay sang Binalbagan kag Isabela. Si Henry Pracio ang isa sa mga masupog nga katapo sang panatiko sa idalum sa pagpamuno ni Baylon sa paglagas kag pagpamatay sa mga sibilyan nga ginadudahan nila nga mga suporter kag katapo sang New People’s Army.

Matapos nga ginsilotan sang NPA si Lydio Baylon paagi sa pag-ambus sang tuig 2007 sa Barangay Mandapaton sakop sang La Libertad, gilayon nga nagsurender si Henry Pracio sa NPA nga nagpamag-an sa iya gina-atubang nga kaso sa rebolusyonaryong korte sang pumuluyo.

Sa baylo nga magbag-o, liwat nga naghimo sang mga kontra-sosyal nga gawi kag kriminalidad si Henry kaangay sang mga masunod:

1. Naglugos sang iya kaugalingon nga anak nga babaye nga naga-edad sang walo ka tuig sa atubang sang nakagapos nga una nga asawa sini nga si Julia Pracio sadtong 2005 tubtob nga ginkonsumo ini nga naglab-ot naman sang 5 ka tuig sang 2010.

2. Masami nga pagkastigo kay Julia Pracio (una nga asawa) tubtob nga naapektuhan ang paminsaron bunga sang kahadlok, nerbyus, trauma kag iban.

3. Pagpatay sa kaugalingon nga asawa nga si Julia paagi sa paghigot sang kumbiyor sa liog sadtong tuig 2013.

4. Padayon nga pagpangkastigo sa mga kabataan kag sa iya ikaduha nga asawa nga gin kilala kay Juvy.

Nagapanawagan ang LPC-NPA nga indi gid pagsundon ang malaswa nga gawi kag krimen nga ginkomiter ni Henry Pracio kay ang malaba nga kamot sang rebolusyonaryong korte sang pumuluyo ang mangita sang katarungan kag hustisya paagi sa mga yunit sang New People’s Army (NPA). Indi gid mag-untat ang mga Pulang hangaway sa paglagas sa inyo agud ipatuman ang nagakaigo nga silot sandig sa kabug-aton sang kaso nga inyo nakomiter sa pumuluyo kag rebolusyon.