Sa pihak sang pasulit-sulit nga deklarasyon sang 3rd ID nga wala na sang aktibong larangan gerilya sa isla, gintigayon sang isa ka yunit sang sang Romeo Nanta Command-New People’s Army (RNC-NPA) ang pagsilot sa masupog nga intel asset sang Armed Forces of the Philippines (AFP) sa Sityo Mabigo, Barangay Lag-it, Tayasan, Negros Oriental, alas 3:40 sang kaagahon sini nga adlaw, Sept 16, 2025.

Ginpanaugan sang silot kamatayon si Tata Balasabas, 40 anyos, bangud masupog ini nga nagapaniktik sa hulag sang NPA. Isa man ini sa suspek upod sang militar sa pag-raid kag pagkapatay sa mag-asawa nga sanday Jolina “Ka Chloe” Martinez kag Marjon “Ka Mark” Encancion, nga mga katapo sang Partido kag mga anay Pulang hangaway, sadtong Agosto 22, 2024 sa Sityo Pisok, Barangay Buenavista, Himamaylan City, Negros Occidental. Gani, napahamtang ang amo nga silot kamatayon Kay Balasabas bangud sa iya mabug-at nga sala.

Ang ini nga madinalag-on nga aksyon militar patimaan nga indi gid makaluwas ang may mga utang nga dugo sa pumuluyo kag sa rebolusyonaryong kahublagan. Magapaninguha ang yunit sang NPA nga mahatagan sang hustisya ang mga biktima sang pasismo kag brutal ng gyera nga ginalunsar sang AFP-PNP/NTF-Elcac, mga ahente sini upod ang mga traydor sa rebolusyon kag paramilitar.